Alden umaasa ring makakasama si Maine sa ‘Adrenaline Rush’ concert

MAINE MENDOZA AT ALDEN RICHARDS

POSIBLENG maging special guest si Maine Mendoza sa next major concert ni Alden Richards, ang “Adrenaline Rush” produced by GMA Records.

Siyempre, marami pa ring AlDub fans ang umaasa na muling magkakasama sa isang concert stage sina Alden at Maine para pakiligin ang ADN.

Sa presscon ng “Adrenaline Rush” sinabi ng Pambansang Bae na umaasa siya na makasama na niya si Maine sa susunod niyang concert, “Of course there’s a possibility, we are just checking the availabilities.

So, sa ngayon wala pa pong final, so let’s see kung ano pong mangyayari sa September 21.

“Basta ang maipapangako lang namin, concert-wise different performances, iba naman ang mga gagawin ko. Alam ko na iyon ang laging sinasabi ng mga performance writers na may something na kakaiba pero ayon nga, we are gonna do several stunts na hindi ko pa nagawa before,” sey ni Alden.

May mga segments din daw ang concert and each segment has its theme.

Natanong din namin ang binata kung nakakapag-bonding pa rin sila ni Maine ngayong may separate projects na sila, “Wala na nga po e, parang lately kasi kahit ako po mismo hindi na nakakapag-Eat Bulaga and ‘yung personal time ko po talaga is very limited actually limited to none. So, medyo mahirap pong magkaroon ng personal time kasi all work po ngayon.”

Tungkol naman sa napabalitang second movie nila ni Maine, “As for the management hindi pa po nila sinasabi na confirmed or hindi na tuloy. Ngayon po naghihintay lang din kami, kasi sa ngayon parang busy sina Mr. (Tony) Tuviera sa MMFF movie (Jak Em Poy starring Vic Sotto, Maine and Coco Martin) so, parang doon po muna ‘yung focus nila then ako naman po with Victor Magtanggol.”

Samantala, sa Sept. 21, 8 p.m. sa Kia Theatre na magaganap ang “Adrenaline Rush,” featuring intense production numbers, his chart-topping songs, and tracks from his new album under GMA Records, “Until I See You Again.”

“I want to challenge myself this time even more, kaya mas gagalingan ko. By doing so, it’s my way na rin po of thanking all the fans who continue to support me no matter what,” ani Alden.

Magiging special guests sa concert sina Asia’s Songbird Regine Velazquez-Alcasid, Comedy Concert Queen Ai Ai delas Alas, Rodjun Cruz, Betong Sumaya, One Up, Ex Battalion at marami pang iba.

“Adrenaline Rush” is directed by GB Sampedro, with musical direction by Marc Lopez. For ticket inquiries call lang kayo sa TicketNet.

Tungkol naman sa five-track album ng binata na “Until I See You Again” with its carrier single “I Will Be Here,” with backing tracks of the songs plus one bonus track, available na ito for digital pre-order simula sa Sept. 7, and will be officially released on Sept. 21 via iTunes, Spotify, Amazon and various digital platforms worldwide.