Troika nina Vicky, Ivan at Atom sa 24 Oras aprub sa netizens
REFRESHING ang pagiging bahagi ni Atom Araullo ng Kapuso news program na 24 Oras. Nang ipasok siya nu’ng unang gabi over the weekend, trending agad ang presence ng binata sa show.
Due to numerous requests, isang linggong mapapanood ang broadcast journalist sa Kapuso evening news program.
Bale homecoming ni Atom sa 24 Oras ang pagiging bahagi niya last week. Matatandaang nagkaroon na siya ng segment na “Atomic Bomb” sa programa noong bata pa siya.
Base sa reaction ng netizens, aprubado naman sa kanila ang troika nina Vicky Morales, Ivan Mayrina at Atom. Silang tatlo raw ang mga bagong henerasyon ng newscasters.
Samantala, may good news naman ang GMA News & Public Affairs sa Kapuso viewers nila sa Western Visayas. Nagsimula na nu’ng Lunes ang Hiligaynon news program, ang One Western Visayas. Mapapanood ang nasabing newscast sa lahat ng GMA channels sa Western Visayas.
Si Atty. Sedfrey Cabaluna ang anchor nito kasama si news correspondent Adrian Prietos at Iloilo co-anchor Kaitlene Revilla.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.