Gladys Reyes bawal makisawsaw sa politika

IEENDORSO nga ba ni Gladys Reyes ang senatorial bid ni Ilocos Norte Gov. Imee Marcos sa darating na halalan?

To begin with, bawal sa INC—na kinabibilangan ni Gladys—na mag-endorse ng sinumang pulitiko. Ipinagbabawal din ang sinuman sa mga Kapatid to enter politics.

Ang larawan sa kolum na ito was taken during the opening of Estela Restaurant—owned by Gladys’ husband Christopher Roxas and his five partners—where Imee cut the ceremonial ribbon.

Ang closeness nina Imee at Gladys began when the former guested on Moments.

Back to Estela. Its business name originated from the word “estrella” which means star (that Gladys is). Nais nina Christopher at ng kanyang mga kasosyo—kabilang ang isang Japanese at isang French—na tunog-Espanyol ang pangalan ng Estela whose PR and marketing aspect ay nakatoka kay Gladys.

Interestingly, may isang best-seller doon na patok sa mga bagets “’Yung pesto bacon pasta namin is our eldest son Christophe’s idea. Sa mga mahihilig sa salmon-eaters tulad ko, meron kaming pan-seared paired with rice or mashed potatoes and mixed veggies.

“You should also try our specialties like longganisa pasta, double-cut pork chop, beef or lengua salpicao,” pagmamalaki ng aktres sa ilan sa mga flagship dishes ng kanilang kitchen consultant na si Victor Neri.

Tanong namin kay Gladys, sa tulad naming taga-Pasay City ay paano niya kami makukumbinsing subukang kumain sa Estela.

Mistulang nag-press ng answer button ang aktres. Walang kagatul-gatol niyang sagot, “Good food, great ambiance and live band entertainment where customers can jam with. Our tagline is Estela where families and friends meet, eat and bond!”

Kabog!