Geun Suk ng ‘You’re Beautiful’ 2 taon magte-training sa military
KOREAN word of the week: Yeobo – “Honey” sa Ingles. Ito ang ginagamit na tawagan ng mag-asawang Koreano. Ginagamit naman ang “yeobo, yeobo” para ipakita ang isang wagas na pagmamahal.
q q q
Tahimik na sinimulan ng sikat na Korean actor na si Jang Geun Suk ang dalawang taong mandatory military training.
Ayon sa ulat, kinumpirma ng Military Manpower Association na sasailalim si Geun Suk sa limang araw na basic training sa Social Service Center sa Boeun County sa North Chungcehoong Province bago ang kanyang pagsisilbi as public service worker.
“Jang Geun Suk, who was determined to be a level 4 soldier due to having bipolar disorder, will enter the Military Manpower Association’s Social Service Training Center located in Boeun County in North Chungcheong Province and leave after five days of the basic public service training,” ayon sa Military Manpower Association.
Nauna nang inamin ni Geun Suk na meron siyang bipolar disorder. Nakatakda siyang lumabas ng military sa Hulyo 15, 2020.
Bukod sa You’re Beautiful, kabilang sa mga pinasikat na K-drama ni Geun Suk ang Beethoven Virus (2008), Mary Stayed Out All Night (2010), Love Rain (2012), Pretty Man (2013), The Royal Gambler (2016) at Switch (2018).
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.