NGAYONG hapon, bibida sa Dear Uge ang real life BFFs na sina Kapuso Primetime Queen Marian Rivera at ang komedyanteng si Boobay sa episode na pinamagatang “Me And Madam.”
Isang maganda at simpleng babae si Icia (Marian) na nagtatrabaho bilang personal assistant ng isang mayamang businesswoman na si Madam Martha (Boobay).
Kilalang terror at malupit magsalita si Madam Martha. Sa mga unang araw ni Icia bilang
kanyang personal assistant, matitikman niya ang bangis at talim ng dila ni Madam Martha.
Halos sumuko na si Icia at gusto nang mag-resign ngunit pipigilan siya ni Madam Martha.
Ngunit kung kailan unti-unti nang nagkakasundo ang dalawa, isang sikreto ni Madam Martha ang malalaman ni Icia. Maging dahilan kaya ang sikretong ito para lalong tumagal si Icia sa kanya, o maging simula ito ng tuluyang paghihiwalay ng dalawa?
Subaybayan ang “kuwentuwaang” ito sa nag-iisa at nangungunang comedy anthology sa bansa, ang Dear Uge, hosted by Eugene Domingo, ngayong Linggo pagkatapos ng Sunday Pinasaya sa GMA.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.