Noven nakabili na ng sariling farm: Kung walang TNT, baka nag-aararo pa rin ako!
NOVEN BELLEZA
NAPAKARAMI nang nagbago sa buhay at career ni Tawag Ng Tanghalan Season 1 grand champion Noven Belleza.
Bukod sa P2 million cash, nanalo rin si Noven ng house and a lot at ngayon daw ay meron na rin siyang nabiling mga properties para sa kanyang pamilya.
Sa press launch ng TNT Records kamakailan, sinabi ni Noven na meron na siyang sariling farm na nabili niya mula sa napanalunan niyang cash sa Tawag Ng Tanghalan ng Showtime.
“Kung hindi po ako pinalad sa TNT, siguro nag-aararo pa rin po ako ngayon sa probinsya. Araw-araw po talaga naming kayod sa tubuhan para mapunan ‘yung pagkukunan namin sa buong linggo.
“Malaki po talaga ang naitulong ng Tawag Ng Tanghalan sa akin—lalong-lalo na po sa pamilya ko,” pahayag ni Noven. Ilan na ba ang farm niya? “Konti pa lang po. Pero may balak akong dagdagan pa.”
Isa si Noven sa mga dumalo sa launching ng TNT Records dahil kasama siya sa mga magpe-perform sa “TNT All-Star Showdown” concert kasama ang iba pang TNT winners and grand finalists.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.