Kidney cancer ni Gary V. gumaling agad: This is the work of the Lord!

GARY VALENCIANO

NAGULAT ang madlang pipol nang mabalitang nagkaroon ng kidney cancer si Mr. Pure Energy Gary Valenciano.

Last Friday, ibinalita sa teaser ng Rated K ni Korina Sanchez na pagkatapos sumailalim ni Gary sa open heart surgery noong Mayo, nadiskubre ng kanyang doktor na meron siyang kidney cancer.

Kuwento ng award-winning singer-actor, nagsimula raw siyang makaramdam ng matinding sakit sa likod ilang buwan pagkatapos siyang operahan sa puso. Ayon sa doktor, posibleng epekto lang daw ito ng operasyon pero base sa diagnostic exam meron siyang “six-centimeter malignant tumor” sa kidney.

Pero ang good news, na-discover ng mga doktor na, “the tumor was confined and extractable,” ibig sabihin hindi raw ito kakalat sa ibang bahagi ng kanyang katawan at maaring tanggalin sa isang simpleng operasyon. Hindi na rin daw kailangang sumailalim sa chemotherapy at radiation si Gary.

“Doctors were again baffled I was healing so well after my open heart surgery, despite my diabetes. They say I have the heart of a strong 25-year-old.

“And when they saw the tumor in my kidney and were able to take it all out without any need for chemo? Well, we all agree – this is the work of the Lord, and nothing else. I am blessed,” paliwanag ni Gary.

Siniguro pa ng singer sa kanyang mga supporters na okay na ang kanyang kundisyon dahil, “I’ve been cleared of the the big C.”

Sa ngayon ay nasa healing and recovery process si Gary V matapos ang dalawang matagumpay na surgery na ginawa sa kanya.

Balita ring umuwi muna sa Pilipinas ang kanyang ina at kapatid mula sa ibang bansa para personal siyang makita at makumusta.

Excited na rin daw bumalik sa pagkanta si Mr. Pure Energy very soon pero kailangang masiguro muna ng kanyang mga doktor na super okay na ang kanyang kundisyon bago siya bumalik sa work.

Mapapanood ang buong kuwento ni Gary sa Rated K ngayong Linggo sa ABS-CBN.