DOH nagdeklara ng leptospirosis outbreak sa ilang bahagi ng MM

NAGDEKLARA ang Department of Health (DOH) ng outbreak ng leptospirosis sa ilang bahagi ng Metro Manila matapos ang pagtaas ng mga kaso sa nakalipas na linggo.

Sinabi ni Health Secretary Francisco Duque III na mas mataas ang mga kaso ng leptospirosis ngayon kumpara sa nakalipas na limang taon.

Kabilang sa mga apektadong lugar ay
Quezon City, Taguig, Pasig, Parañaque, Navotas, Mandaluyong, at Malabon.

“These are already considered outbreaks because they have already breached the epidemic threshold, which means that the cases reported now in these cities and barangays – as I have stated them one by one – they have already gone past the number or the average number for the last 5 years,” sabi ni Duque.

Idinagdag ni Duque na umabot na sa 234 ang kaso ng leptospirosis na naiulat sa Metro Manila simula Enero ngayong taon, mas mataas kumpara sa 146 kaso na naitala noong isang taon.

Ayon pa sa datos ng DOH, umabot na sa 1,040 ang kaso sa buong bansa noong Hunyo 16, kung saan
99 ang nasawi.

Sa kabuuang mga nasawi, 38 rito ay naitala sa Metro Manila.

Sinabi ng Centers for Disease Control and Prevention, na kabilang sa mga sintomas ng sakit ay mataas na lagnat, pananakit ng kasu-kasuan, pagsusuka, paninilaw at pagtatae.