Lalaki patay, ka-live in sugatan matapos pagtatagain habang natutulog sa Oriental Mindoro
PATAY ang isang lalaki, samantalang sugatan naman ang kanyang ka-live in matapos silang pagtatagain habang natutulog sa loob ng isang hotel room sa bayan ng Pinamalayan, Oriental Mindoro, kahapon ng umaga, ayon sa pulisya.
Sinabi ni Supt. Imelda Tolentino, Mimaropa police information officer, na pinagtataga sina Ace Malbog at Aiza Sapallo, kapwa 32, ng hindi pa nakikilalang salarin sa loob ng Blue Waves Hotel saBarangay Zone 1 ganap na ala-1:40 ng umaga.
Ayon kay Sapallo, nagising siya dahil sa naramdamang sakit sa kanyang bibig. Sasabihan niya sana si Malbog nang mapansing wala nang buhay at may mga sugat sa leeg at kaliwang braso.
Humingi naman ng tulong ang kanilang 10-anyos na anak na lalaki, na kanilang kasama sa mga hotel staff at bisita.
Sinabi ni Tolentino na ayon kay Sapallo, nawawala ang kanyang Samsung cellphone.
Dinala siya sa Pinamalayan Doctor’s Hospital para magamot.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.