Muling pagsasama nina Alden at Maine sa concert stage ng Bulaga pina-trending ng AlDub Nation
MAINE MENDOZA AT ALDEN RICHARDS
NANGABOG na naman ang AlDub Nation kahapon sa Twitter gamit ang hashtag #ALDUBSingsWalangPapalit dahil as of this writing, number one na ito sa trending topics with more than 215,000 tweets, huh!
Inilampaso nito ang iba pang trending topic sa social media kahapon.
Sa pagkakatanda ng ADN, nu’ng Sabado lang muli nagkasama sa Eat Bulaga concert stage sina Alden Richards at Maine Mendoza.
Nakikanta sila sa first single ng EB’s Music Hero, ang “Walang Papalit” sa opening number ng Eat Bulaga. Kaya Twitter party agad ang hukbo ng tagahanga nila kahit hindi pa umeere ang noontime show.
Pero hindi pa tapos ang paghahari sa Twitter ng ADN dahil after Eat Bulaga, naghahanda na sila para suportahan ang telecast ng pagbabalik ni Meng bilang Laura Patola sa month-long episode niya mamayang gabi sa Daig Kayo Ng Lola Ko kasama si Baeby Baste.
Hindi lang kasi sa TwitterPH nambulabog ang ADN kungdi maging sa ratings, huh!
Sa panig naman ng mga Alden fanatics, niyanig nila ang ticket sales sa “AR Adrenalin Rush” concert ng Pambansang Bae dahil may mga section na sa Kia Theater na sold out na ang tickets!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.