Epal na basher basag na basag kay Kris: Wag mo akong lektyuran sa pagiging ina

KRIS AQUINO, BIMBY AT ERICH GONZALES

NAG-BEAST mode muli ang Queen of All Media na si Kris Aquino nang “pangaralan” siya ng isang epal na netizen tungkol sa pagiging ina sa kanyang dalawang anak.

Kapag kasi pamilya at mga anak na niya ang inaapi at nilalait ng mga bashers ay talagang pumapatol siya at hindi niya pinalalagas.

Nag-post si Kris sa kanyang Instagram account ng litrato at video nila ng kanyang mga anak at in-update ang kanyang followers sa health condition ng panganay na si Joshua. May caption ito na: “Since 4 AM Friday when i found a lot of bloody baby wipes in the trash next to our toilet i have barely slept because i’ve been extremely worried about kuya josh’s gastro intestinal issues (i believe my fear is justifiable because both my Lola Ma & my Mom didn’t survive colon cancer).”

Maraming nagkomento sa post ni Tetay na ipagdarasal nila ang paggaling ni Joshua at humahanga siya sa katatagan nito bilang single mom.

Pero isang IG follower (@thisisusanims) ang nambasag kay Kris at nag-comment ng, “Just be a mother to your kids without all these bs of explanations you do!! #StopKris!! Damn, you [are] really embarrassing your kids later on in life!!”

Nang mabasa ito ng Reyna ng Social Media, agad nitong sinagot ang netizen at sinabing, “WTF is your problem? Colon cancer isn’t embarrassing, neither is bleeding ulcers. Papatol ako because I have the platform to let people know that EARLY DETECTION is freaking important.

“You are the embarrassment because you have zero compassion. DO NOT LECTURE ME about motherhood because I had the best possible role model, and her primary cancer was colon cancer.

“I don’t know you, [and] you personally don’t know me, BUT if our paths ever cross—fair warning, you crossed a line [with] me today [and] I am certainly going to stand my ground. TRY ME,” dugtong pa ni nanay ina Joshua at Bimby.

Maraming netizens ang kumampi kay Kris kasabay ng pagkuyog sa basher. Ayon sa isang IG follower ni Tetay, tama lang na talakan si @thisisusanims dahil sa sama ng pinagsasabi nito.
Okay lang daw na magkomento sa post ni Kris pero halatang gusto lang makipag-away at mangnega ng nasabing hater.

Samantala, ipinost din ni Kris ang litrato nila ni Bimby sa kama kasama si Erich Gonzales. Inatake kasi ng matinding hika ang aktres sa taping ng Blood Sisters at sa bahay nga ni Kris dumiretso ang dalaga para doon suriin ng kanilang family doctor.

Caption ni Kris sa nasabing photo: “Patient number 2 @erichgg took her medicines & is ready to sleep- sorry yung dapat magbantay mas mahaba ang tinulog na siesta than her. Good night from all of us.”