NAHARANG ng Bureau of Customs (BOC) sa Manila International Container ang 100,000 sako ng bigas mula sa Thailand, na nagkakahalaga ng P250 milyon.
Sinabi ni Customs Commissioner Isidro Lapena na ito na ang pinakamalaking smuggling ng bigas na naharang ng bureau mula nang siya ay manungkulan.
Nakapangalan ang mga shipment sa isang Sta. Rosa Farm Products Corp., na walang kaukulang permit mula sa National Food Authority (NFA), ayon kay Lapena.
Ani Lapena, hindi rin nagbayad ng mga kaukulang buwis ang nag-angkat ng mga ito.
Nakatakda namang ipa-auction ang bigas sa loob ng lima hanggang 10 araw, sa tulong ng NFA.
Samantala, sinira rin ng BOC ang
P22 milyong halaga ng smuggled na mga inangkay, kasama na ang mga pekeng sigarilyo, office supplies, clothing at shoes apparel, ayon pa kay Lapena. Inquirer.net
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.