Balita

Updated: Piskal patay matapos pagbabarilin sa QC

Leifbilly Begas - Bandera May 11, 2018 - 06:23 PM

NASAWI ang isang piskal ng Quezon City ng pagbabarilin ngayong hapon. Hindi na naisalba ng mga doktor sa East Avenue Medical Center ang buhay ni Quezon City Assistant City Prosecutor Rogelio Velasco na nagtamo ng mga tama ng bala. Alas-4:55 ng hapon ay nagmamaneho si Velasco ng pulang Toyota Innova (ZNV 449) ng harangan ng puting Innova sa Holy Spirit Drive, Brgy. Holy Spirit. Dalawang lalaki umano anf bumaba at pinagbabaril ang driver’s side. Hindi naman binaril ang passenger’s side kung nasaan umano ang kasama ni Velasco. Agad na tumakas ang mga salarin. Labinglimang tama ng bala ang tinamo ng windshield ng sasakyan.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.