NAPALUHA si Regine Velasquez nang matanggap ang advance Mother’s Day gift ng kanyang asawang si Ogie Alcasid.
Nagulat ang Asia’s Songbird nang makita ang sorpresa sa kanya ng Ultimate Songwriter – isang aso na shih tzu.
Sa kanyang Instagram account, nag-post si Ogie ng video kung saan kitang-kita ang pagkagulat ng Songbird nang makita ang aso. Napaiyak pa siya nang yakapin niya ang dog kaya naman tuwang-tuwa rin ang kanyang mister.
Ito naman ang reply ni Regine sa IG post ng mister, “I will always love Georgey always. Meet Chanel. Thank you @ogiealcasid. I love you!”
Naging emosyonal ang Asia’s Songbird sa regalo ni Ogie dahil recently lang ay pumanaw na ang matagal na niyang alagang aso na si George na kasa-kasama niya noon pang single pa siya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.