INAASAHANG tataas pa ang P88 milyong jackpot prize ng Grand Lotto 6/55 sa bola bukas ng gabi.
Ayon sa Philippine Charity Sweepstakes Office walang tumama sa jackpot prize ng Grand Lotto sa bola noong Sabado ng gabi. Umabot sa P88 milyon ang jackpot prize ng Grand Lotto sa huling bola.
Nanalo naman ng tig-P200,000 ang tatlong mananaya na nakakuha ng limang lumabas na numero.
Tig-P1,750 naman ang tinamaan ng 437 mananaya na nakakuha ng apat na numero. Balik naman ang P20 taya ng 10,988 mananaya na nakatatlong numero.
Noong Pebrero 21 pa hindi tinatamaan ang jackpot prize ng Grand Lotto.
Huli itong tinamaan noong Pebrero 19. Isang mananaya ang tumama ng P64.2 milyon.
Ang Grand Lotto ay binobola tuwing Lunes, Miyerkules at Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending