Joshua, Julia love na raw ni Kris, pakitang-gilas agad sa shooting

MADADAGDAG na ba sina Joshua Garcia at Julia Barretto sa liga nina Erich Gonzales at Kim Chiu bilang mga “anak-anakan” ni Kris Aquino sa showbiz?

Tila nakuha agad ng JoshLia ang kiliti ni Kris dahil sa first shooting day nilang tatlo para sa “I Love You, Hater” ay masayang ibinalita ng Queen of Online World and Social Media sa kanyang followers na nagustuhan niya ang work ethics ng magka-loveteam.

Sa kanyang Instagram account, nag-post si Kris ng, “I have a feeling we have a new title. 1st day & I must commend @garciajoshuae- as soon as I arrived, lumapit sya agad & may cute kwentuhan na kami.
“@juliabarretto finished taping late for the pilot of the new #joshlia soap- bagong ligo, alam kong pagod- pero ang beautiful pa rin & as soon as she arrived NAKANGITING bumati & good vibes ang dala. #lovelovelove.”

Ang ganda ng first impression ni Kris sa dalawa kaya hindi na kami magtataka kung parati na rin niyang babanggitin ang JoshLia sa kanyang social media posts at posibleng irekomenda pa niya for future webisodes project.

Samantala, excited at pinaghandaan ni Kris ang unang araw ng pagsabak niya sa pelikula dahil tatlong oras bago siya humarap sa camera ay naglagay muna siya ng facial mask para fresh looking.

Caption ni Kris sa photo niyang naka-facial mask, “Photo taken by Bimb #aboutlastnight. Galing pong Japan so na-convince mag mask. (Used the SKII one.). My Rosary app was playing on our speaker.

“My irrepressible son said: ‘Mom, now I know you’re really stressing about this movie. You’ve been listening to your praise music non-stop, now you’re praying your Rosary while wearing a face mask.

Please relax?’ I replied: ‘Everything it takes honey.’ Good morning to all, 5 minutes away from our set. #lovelovelove.”

Ipinost din ni Kris ang litrato ng red and pink roses na bigay sa kanya ni Erickson Raymundo. Caption ni Kris, “Thank you @visionerickson for believing @cornerstone #jeremiah2911 #grateful #loved.”