Direk Quark Henares nag-propose na sa dyowang singer: Pareho kaming weird!

“SI BIANCA (Yuzon), sobrang kind niya, very loving!” Ito ang paglalarawan ni Direk Quark Henares sa kanyang girlfriend.

Officially, dalawang taon na ang relasyon nina direk Quark at Bianca sa susunod na buwan (Mayo) at nito ngang nakaraang Biyernes, Abril 6 ay nag-propose na ang direktor.

“When I was in the hospital a few weeks ago she slept in the room every night. She’s also so talented, and we both love culture. We spend a lot of silence together, too, and that’s important,” ang sabi pa ni direk Quark patungkol sa kanyang mapapangasawa.

Walang ideya si Bianca sa wedding proposal ng boyfriend dahil ang drama ay kukunan siya ng music video dahil isa rin siyang singer, ginanap ito sa DPIXL Studio sa Makati City.

Ayon kay direk Quark nu’ng tanungin namin kung bakit Abril 6 ang napili niyang petsa ng proposal, “Wala lang. May music video shoot siya so, we kept trying to find a good date for the shoot. Two years na kami officially next month.”

Halatang nasorpresa si Bianca sa pagpo-propose ni direk dahil habang kumakanta ay bilang bumagsak ang telang itim sa likod niya kung saan tumambad ang mga neon lights na may nakasulat na, “I Love You, Bianca. Will You Marry Me…love Quark.”

At pagharap niya ay nakita na niyang nakaluhod ang boyfriend na tawa na nang tawa sabay labas ng singsing.

Unang nagkakilala ang dalawa taong 2015, base sa panayam ni direk Quark sa ABS-CBN, “Blue hair. That, to me, was really cute. And the nicest eyes. She was a bit awkward, which I loved. I think it came to a point when we first talked that it was just the two of us and we had been talking for an hour.

“And people around us started noticing and giving looks. We both got conscious and parted, but eventually found a way to hang out a little more,” kuwento pa niya.

Sa panayam din namin kay direk Quark sa media launch ng pelikulang “My Candidate” noon na ipinrodyus ng Quantum Film sinabi niyang, “I think, magkakaroon na ako ng dyowa, finally. Ha-hahaha!

Hindi ko pa iri-reveal ang name, saka na, baka ma-preempt. What I like in her is pareho kami ng trip, weird din tulad ko. Ha-hahaha!”

q q q

Sa tuwing makikita kasi namin si direk Quark ay panay ang tanong namin kung kailan siya mag-aasawa dahil siya na lang ang single sa kanilang pamilya at ang laging sagot niya sa amin, “Huwag kang mag-aalala, darating din tayo riyan, wait lang tayo.”

Anyway, sa ginanap na wedding proposal ni direk Quark ay kumpleto ang pamilya’t malalapit na mga kaibigan nila na nasa holding area kaya wala talagang kaalam-alam si Bianca.

Ipinost naman ng kapatid ni direk Quark na si Cristalle Henares-Pitt sa kanyang IG account ang lahat ng kaganapan.

“Something special just happened! But first, briefing! (may kuhang nagbbigay ng instructions si direk Quark). So we are all in the holding room beside the studio where @biancayuzon is shooting a music video and @quarkhenares is the director!

“All of a sudden the backdrop drops and reveals neon lights, asking her to marry @quarkhenares.
“Confetti comes popping out when @biancayuzon says Yes! And the doors open to reveal all the family and friends.

“The diamond from my late grandma Nena Belo! So happy it ended up in your finger @biancayuzon.
“I love you guys so much! Seriously, such a perfect match!”

Ito naman ang ipinost ng ina ni direk Quark na si Dra. Vicki Belo sa kanyang IG account, “I was in the room with @quarkhenares and @biancayuzon during the proposal. This one was showing in the waiting room where most of the couple’s family and friends were staying.

“We’re so happy for our dearest @quarkhenares. Welcoming Bianca and her family to our ever-growing family. Such a perfect match.”

Tinanong din namin si direk Quark kung kailan ang petsa ng kasal nila ni Bianca, aniya, “Wala pang date! Probably early 2019.”

Anyway, si direk Quark ang isa sa mga nag-produce ng pelikulang, “Ang Panahon Ng Halimaw” under Globe Studios na idinirek naman ni Lav Diaz na pinagbibidahan ni Piolo Pascual.