Mga Laro Ngayon (Araneta Coliseum)
4:30 p.m. Ginebra vs Rain Or Shine
7:00 p.m. NLEX vs Alaska
KUNG Barangay Ginebra at NLEX ang tatanungin ay nanaisin nilang matapos na ngayon ang kani-kanilang best-of-three quarterfinals series laban sa Rain or Shine at Alaska.
Nakauna sa Game One noong Lunes ang Gin Kings at Road Warriors at kung muli silang magwawagi ngayon ay makakakuha na sila ng silya sa semifinal round ng PBA Philippine Cup.
Tinalo ng Ginebra ang Rain Or Shine, 88-80, habang tinisod ng NLEX ang Alaska, 105-99.
Gayunman, hindi pa nakakasiguro ang Ginebra at NLEX ng panalo dahil tiyak na gagawin ng Rain or Shine at Alaska ang lahat para makahirit ng do-or-die Game Three.
“This series is not yet over. We have the advantage, but Alaska, they’ve been through a lot more difficult situations and they’ve come out of those pretty good. So we go back to practice tomorrow, see where we can improve on our game knowing Alaska will come back harder,” sabi ni NLEX coach Yeng Guiao na sinandigan sina Larry Fonacier at Kiefer Ravena para maitakas ang panalo sa Game One. —Angelito Oredo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.