Sam iwas muna sa babae: Unahin ko muna sarili ko!

BALAK nina Sam Milby, Angelica Panganiban at John Prats na mag-produce ng pelikula at indie movie this year para sa kanilang Bright Bulb Production.

Kakaririn na ng tatlong magkakasosyo sa trabaho ang kanilang bagong negosyo, ito’y matapos ngang maging successful ang pakikipag-co-produce nila sa “Tagpuan” concert ni Moira.

Nakausap ng entertainment media si Sam sa presscon ng latest movie niyang “Ang Pambansang Third Wheel” under Viva Films kung saan makakatambal niya si Yassi Pressman. Dito niya naikuwento ang mga susunod na proyekto ng Bright Bulb.

“Yeah, balak din naming mag-produce ng movie. Sana later this year. Balak din naming mag-produce ng indie movie,” ani Sam. Si John pa rin daw ang magdidirek at si Angelica ang magsusulat ng kuwento.

Posible rin daw na sila ni Angelica ang magbida sa pelikula. Kaya ang sumunod na hirit ng press, baka sila talaga ni Angelica ang itinadhana.

“I guess, you’ll never know,” natawang sagot niya. You’ll never know. We have a good friendship right now. We’re just friends. We just like to joke around na more than friends kami kapag nagkikita kami,” aniya pa.

Actually, pati ang kaibigan niyang si John Prats ay nagsasabing sana raw ay sila na lang ni Angelica ang magkatuluyan, “I think I said it early, I’m not at the point na I’m ready to be in a relationship. After this last breakup, I realized that there’s a lot of things that I need to work for myself first.

“It may sound like an excuse to a lot of people, but that’s the truth. Maybe, a lot of things arise in relationship just because I need to work on myself first.

“I’m going spiritually. I don’t wanna sound too spiritual and preachy, but I’ve found a great church, and I’m very active and I’m joining the bible study.

“I’m growing as a person. I’m really happy, and I know after this growth, kung sino man yung the right one, I’ll just know,” chika pa ni Sam na kakahiwalay lang sa ex-GF niyang model na si Mari Jasmine.

Samantala, showing na nationwide ang pelikula nina Sam at Yassi na “Pambansang Third Wheel” bukas under Viva Films and IdeaFirst Company. Ito’y sa direksyon ni Ivan Andrew Payawal. Kasama rin dito sina Sam Pinto, Alonzo Muhlach at marami pang iba.