P246M jackpot ng Ultra Lotto

Leifbilly Begas - Bandera January 25, 2018 - 06:18 PM

Inaasahang aabot sa P246 milyon ang jackpot prize ng Ultra Lotto 6/58 sa bola bukas ng gabi. Ayon sa Philippine Charity Sweepstakes Office walang nanalo sa P241.3 milyong jackpot prize ng Ultra Lotto noong Martes ng gabi. Walang tumaya sa winning number combination na 19-17-13-53-56-15. Nanalo naman ng tig-P280,000 ang limang mananaya na nakakuha ng limang numero. Tig-P2,020 naman ang 653 mananaya na nakakuha ng apat na numero at balik ang P20 taya ng 16,126 mananaya na nakatatlong numero. Noong Setyembre 8 pa walang tumatama ng jackpot prize ng Ultra Lotto kaya lumaki na ang premyo. Dalawa ang naghati sa P256.8 milyong jackpot prize ng Ultra Lotto noong Setyembre 5.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.