Taga-Laguna wagi ng jackpot ng Mega Lotto

Leifbilly Begas - Bandera January 09, 2018 - 03:15 PM

Isang mananaya sa Laguna ang nanalo ng P9.5 milyong jackpot prize ng Mega Lotto 6/45 na binola Lunes ng gabi, Ang nanalo ay tumaya sa Maahas Rd., Los Banos, ayon sa Philippine Charity Sweepstakes Office. Siya ang nag-iisang nakakuha sa winning number combination na 28-40-31-21-11-04. Mayroon siyang isang taon para kunin ang kanyang premyo sa main office ng PCSO sa Mandaluyong City. Nanalo naman ng tig-P49,180 ang 16 mananaya na nakalimang numero. Tig-P460 naman ang 1,367 mananaya na nakaapat na numero at balik ang P20 taya ng 20,728 mananaya na nakatatlong numero.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.