Sunud-sunod na pasabog sa huling 2 linggo ng Pusong Ligaw
DIEGO LOYZAGA AT SOFIA ANDRES
DALAWANG linggo na lang ang hit afternoon series ng ABS-CBN na Pusong Ligaw na pinagbibidahan nina Bianca King, Beauty Gonzales, Sofia Andres at Diego Loyzaga.
Sa ipinapakitang trailer, mukhang maiipit na nang tuluyan si Marga (Bianca) sa kasamaan ni Jaime (Raymond Bagatsing) matapos siyang makipagkasundo rito para makapaghiganti kina Tessa (Bianca) at Caloy (Joem Bascon).
Mapapanood din sa trailer ang pagkidnap ni Jaime sa anak ni Marga na si Vida (Sofia). Mismong si Marga ang makakakita kung paano papatayin ni Jaime ang dalaga.
Samantala, may happy ending pa kaya sa pag-iibigan nina Caloy at Tessa? O, pagsisisihan lang nilang sa huli kung bakit pa nila ipinaglaban ang kanilang relasyon?
Mailigtas pa kaya ni Ira (Diego) si Vida sa kamay ni Jaime? Makumbinsi pa kaya nila si Leon (Albie Casino) na traydurin si Jaime at tulungan silang mahuli at maipakulong na ito at tapusin na ang kanyang kademonyohan?
Sasagutin lahat ng katunungan na ‘yan sa nalalapit na pagtatapos ng Pusong Ligaw sa Kapamilya Gold ng ABS-CBN pagkatapos ng It’s Showtime.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.