Gerald, Jake ayaw paawat; tuloy ang showdown
WALA nang kawala si Carlos (Jake Cuenca) mula sa kaparusahan ng kanyang kasamaan dahil bistado na ni Gabriel (Gerald Anderson) ang pagsabotahe niya sa kumpanya nilang Vega Pacifico sa Ikaw Lang ang Iibigin.
Nangyari na ang kinatatakutang tagpo ni Carlos dahil naisiwalat na ang pinlano niyang pagkokontamina ng mga produkto ng Vega Pacifico upang tuparin ang planong pagsira kay Gabriel na siyang namamahala ng kumpanya.
Ito ay matapos matunton at umamin ang taong binayaran ni Carlos sa paggawa ng krimen at pinatunayang siya ang may pakana ng lahat.
Tuloy-tuloy na rin ang pagbagsak ni Carlos, dahil matapos siyang itakwil ng sariling ama, nagbabadya ring mawala ang asawa niyang si Isabel (Coleen Garcia) dahil sa pagkakalulong niya sa sugal, na lalong maglulubog sa kanila sa utang.
Ngayong unti-unti nang nasisira ang kanyang mga plano, paano nga pa ba makakaganti si Carlos kay Gabriel? Huwag palampasin ang seryeng magpapatunay na hindi sumusuko ang puso sa pangarap at pag-ibig, ang Ikaw Lang ang Iibigin, sa ABS-CBN.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.