Alden lumayas na rin ng Pinas, sa Japan magre-recharge kasama ang pamilya
ALDEN RICHARDS
LUMAYAS na ng bansa kahapon si Alden Richards. Sa Japan ang destinasyon niya kasama ang buong pamilya para doon mag-celebrate ng Christmas.
Nakasabay ni Alden si Allan K sa aiport na sa Japan din ang bakasyon. Kapwa sila vacation break sa Eat Bulaga ngayon.
Babalik si Alden sa Pinas bago mag-New Year. Sa bagong ipinagawang bahay ang selabrasyon nilang mag-anak sa Bagong Taon.
Sa Jan. 1, 2018 kasi ay live nang mapapanood ang Eat Bulaga. Pampabuwenas ang Bagong Taon sa lahat ng hosts ng noontime show nang sa gayon ay buong taon silang nagtatrabaho.
Gaya nang una naming isinulat, sa Jan. 1 din babalik sa Eat Bulaga si Maine Mendoza matapos bigyan ng showbiz break. Kaya happy-happy na naman ang AlDub Nation dahil masisilayan na naman nila ang pagiging kikay ni Meng sa programa tuwing tanghali, huh!
Nabalitaan namin na sa pagpasok pa lang ng Bagong Taon ay marami na agad pasabog na sorpresa ang tambalang AlDub para sa kanilang mga loyal supporters kaya ‘yan ang kailangang abangan ng AlDub Nation.
Bukod dito, tuloy na tuloy na rin ang ikalawang pelikula nina Alden at Maine tulad nang kinumpirma ng kanilang management.
Binago na rin daw ang tema ng movie, pero siguradong punumpuno pa rin ng pampakilig at pampa-good vibes.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.