‘Phillip Salvador naka-jackpot ng P35.4-M sa casino’ fake news daw
PHILIP SALVADOR
MABILIS na kinorek ng kaibigan, co-anchor at Solaire habitue na si Wendell Alvarez ang nalathalang column item (not here in BANDERA) na richer by P35.4 million si Phillip Salvador who won the jackpot prize about two Sundays ago.
Hindi si Kuya Ipe ang sinuwerte bago makapananghali ng araw na ’yon kundi isang Spanish-looking Pinoy businessman. Mabilis daw kasing kumalat ang balita na ang mister ni Ate Emma Ledesma (who earlier won P29 milion) ang nagwagi.
“Sa akin sila maniwala!” nagpapapadyak na pagbibida ni Wendell, “Nandu’n ako mismo nu’ng time na ‘yon. At kaya inakala nilang si Kuya Ipe ang nanalo, eh, dahil yakap-yakap niya ‘yung Kastilaloy na nagwagi na friend ko rin, ‘no!”
Oo naman, self-imposed regular beat na ni Wendell ang High Limit area ng Solaire kaya kilala niyang lahat ang mga gamers doon.
May TV news personality. May network executive. At kung sinu-sino pa na naglilibang kuno pero ginawa nang ikalawang tahanan ang Solaire.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.