P187M jackpot ng Ultra Lotto, P137M ang Super Lotto
Inaasahang aabot sa P187 milyon ang jackpot prize ng Ultra Lotto 6/58 at P137 milyon naman sa Super Lotto sa bola nito sa Martes.
Ayon sa Philippine Charity Sweepstakes Office walang tumama sa winning number combination na 58-08-45-07-23-19 sa bola ng Ultra Lotto noong Linggo ng gabi. Umabot sa P182 milyon ang jackpot prize.
Nanalo naman ng tig-P46,390 ang 26 mananaya na nakakuha ng limang numero, tig-P870 ang 1,104 mananaya na nakaapat na numero at balik ang P20 taya ng 19,869 mananaya na nakatatlong numero.
Wala ring tumaya sa winning number combination na 26-44-18-37-28-21 sa Super Lotto draw. Umabot sa P132.4 milyon ang jackpot prize nito.
Nanalo naman ng tig-P70,000 ang 14 mananaya na nakalimang numero. Tig-P1,050 naman ang tinamaan ng 1,105 mananaya na nakaapat na numero at balik ang P20 taya ng 23,548 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.