Gabbi may photo shoot at fashion film sa France; walang sama ng loob kay Ruru

GABBI GARCIA AT RURU MADRID

WALA pa sa priority ni Kapuso Princess Gabbi Garcia ang mag-pose ng sexy sa mga men’s magazine kahit na nga ilang beses na rin siyang nag-post ng kanyang daring photos sa Instagram.

Ayon kay Gabbi, hindi siya nagsasalita nang tapos, pero kung ngayon daw darating ang offer sa kanya para maghubad at maging cover ng men’s magazine, baka raw hindi muna niya tanggapin.

Pero ayon sa dalaga, may sorpresa raw siya sa kanyang fans sa last quarter ng 2017. Meron daw siyang ginawang sexy pictorial na lalabas na anytime soon. It’s something different and daring na para sa kanya kaya wait lang daw kayo.

Nakausap ng ilang miyembro ng entertainment press si Gabbi sa presscon na ibinigay sa kanya ng GMA Artist Center para sa bagong project na gagawin niya na may konek pa rin sa kanyang modelling career.

Timing nga ang pagdating ng bagong blessing sa career ni Gabbi dahil pagkatapos nga ng Encantadia at ng international shampoo TV ad na ginawa at iba pang local endorsements, lilipad naman patungong Europe.

As if living out every young girl’s dream, Gabbi is set to fly to France as part of her commitment to #MakingMega as Mega Magazine’s first ever Mega Style cover. Originally a digital publication, Mega Style carefully handpicked her to grace their first ever print copy.

Ang destinasyon niya ay sa Nice, France para sa isang avant-garde photoshoot, bukod pa yan sa gagawin niyang 45-minute documentary and a 3-minute fashion film to be shot by non-other than Emmy-award-winning director and producer Mike Carandang.

“This is going to be my first time in France, so I’m very excited. Being handpicked by Mega is such an honor, and I can’t wait to try different looks for the magazine cover and enjoy this European experience,” ani Gabbi.

Ano ba ang sikreto ni Gabbi at mukhang siya ang favorite ngayon ng mga sosyal na fashion mags? “Doing my homework as an artist, keeping fit, staying true to myself and taking care if my looks by sticking to the beauty products that I trust like Gluta C and Pantene.”

Pero hindi pa rin maiiwasan ng dalaga ang mga bashers, pero sabi ni Gabbi, hangga’t maaari ay ayaw na niyang patulan ang mga ito.

“Siyempre, nandoon naman tayo sa point nahe-hurt tayo before. Ako talaga, I was very affected noong nag-i-start pa lang ako. Pero dahil sa family ko, sa mga kaibigan at sa mga sumusuporta sa akin, mas nase-secure ka na sa sarili mo.”

“Dumating din ‘yung point na nai-ignore ko na din sila. I trust myself more than them. But if they go below the belt, I would definitely say something. Not naman attacking, but I would not allow naman to crash me,” dagdag pa ni Gabbi.

Para sa lahat naman ng mga naninira sa kanya, ito lang ang nasabi ng aktres, “As long as I am really assured and secured, and my closest friends, parents, and my manager tells me na I’m still okay, na I didn’t change, that I’m still the same Gabbi, parang the opinions of others don’t really matter anymore.”

Regular pa ring napapanood si Gabbi sa Sunday PinaSaya kasama ang ka-loveteam na si Ruru Madrid.

In-assure rin niya hindi naman talaga sila paghihiwalayin ni Ruru (na makakasama sa Alyas Robin Hood Book 2) dahil magkasama pa rin sila sa SPS.