Duterte sinabing P3M dagdag sa SALN tira mula sa campaign funds

SINABI ni Pangulong Duterte na nagmula ang P3 milyong dagdag sa kanyang Statement of Assets and Liabilities and Networth (SALN) mula sa tira sa kanyang campaign contribution noong nakaraang elections.

“Sobra ‘yan sa ‘yung dumating na wala ng purpose ang pera. Tapos hindi ko na malaman kung sinu-sino. Maliit ito eh. Iyon ang idineclare (declare) ko na as income. Income eh nandiyan sa kamay ko eh,” sabi ni Duterte sa isang ambush interview sa Hong Kong.

 Ito’y matapos ilabas ng Office of the Ombudsman ang SALN ni Duterte kung saan tumaas ang kanyang networth sa P27,428,862.44 noong  December 2016, kumpara sa  P24,080,094.04 net worth noong  Hunyo noong isang taon.

“That’s an excess income. Tingnan ninyo sa returns nandoon ‘yon pati sa SALN. Nagbayad ako ng ano… income tax,” ayon pa kay Duterte.

Nagbiro pa si Duterte na galing ang kanyang P3 milyong dagdag sa SALN mula sa kanyang sugar mommy na si “Vanessa.”