Surigao niyanig ng magnitude 5.1 lindol

Leifbilly Begas - Bandera April 23, 2017 - 03:28 PM

Niyanig ng lindol na may lakas na magnitude 5.1 ang Surigao del Sur kaninang umaga. Ayon sa Philippine Institute of Volcanology and Seismology naramdaman ang lindol alas-9:19 ng umaga. Ang sentro nito ay 24 kilometro sa silangan ng Tandag at may lalim na 20 kilometro. Nagdulot ito ng Intensity IV paggalaw sa Talacogon, Agusan del Sur. Intensity III sa Surigao City at Socorro, sa Surigao del Norte at Intensity II sa Butuan City. May naitala naman ang mga aparato ng Phivolcs na Intensity II sa Bislig, Surigao del Sur at Intensity I sa Borongan, Eastern Samar. Ayon sa Phivolcs maaaring magkaroon ng aftershock sanhi ng paggalaw na ito.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.