Melai nanganak na sa ikalawang baby nila ni Jason
Nanganak na ang TV host-comedienne na si Melai Cantiveros sa ikalawang baby nila ni Jason Francisco.
Ibinahagi ni Melai ang magandang balita sa kanyang mga kaibigan at tagasuporta sa pamamagitan ng kanyang Instagram kung saan ipinost ni Jason ang litrato nila ni Baby F.
Nag-post din si Melai ng kanyang mensahe sa IG nang ibigay na sa kanya ang kanyang bagong panganak na baby, “Hello Philippines And Hello World galing sa amin ni BabyF. Thank you sa lahat ng nagdasal, nakalabas na si BabyF, sobra saya ni Papangcutes and AteMela. #yehey #BabyF #blessed #thankful #magandangbuhay #MelasonFamily #ThankGod (si papangcutes ang nagpic sa amin)!”
Ikinasal sina Melai at Jason noong 2013 matapos silang magkakilala at magkapalagayan ng loob sa Pinoy Big Brother noong 2009. Ipinanganak naman ng komedyana ang una nilang baby ni Jason na si Amelia “Mela” Lucille noong April, 2014.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.