Maine nakapasok sa ‘25 Icons’ ng sosyal na magazine
Nagpasalamat si Ken Chan sa suportang ibinibigay ng AlDub Nation sa GMA series na kinabibilangan niya, ang Meant To Be. Bilang ganti, nangako naman si Ken na susuportahan din niya ang launching teleserye nina Alden Richards at Maine Mendoza sa GMA, ang Destined To Be Yours.
May countdown na nga ang AlDub Nation sa DTBY. Pinakalat na kahapon ang hashtag na #ALDUBxDTBYSoon at #DTBY21DaysToGo.
Nagpatulong din sila sa singer na si Bryan White na i-promote sa social media account niya ang series ng mga idolo. Wish granted naman ang tugon ng singer ng “God Gave Me You.”
Binati rin nila si Mr. Tony Tuviera na malaking bahagi sa pamamayagpag ngayon ng AlDub kahit wala ang mga idolo sa Eat Bulaga kahapon.
Siyanga pala, isa si Maine sa napasama sa 25 Icons ng isang sosyal na magazine kahit na nga baguhan pa lang siya kumpara sa napiling iba, huh! Iba pa rin talaga ang lebel ni Yaya Dub.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.