Kapuso stars mangangaroling sa ‘The Magic Of Christmas’

BILANG pasasalamat sa kanilang loyal Kapuso viewers, inihahandog ng GMA Network ang kanilang Christmas special na pinamagatang “The Magic Of Christmas” ngayong gabi. Itatampok dito ang limang Christmas values na Gratitude, Peace, Hope, Faith and Love.

Bubuksan nina Asia’s Songbird at Full House Tonight host Regine Velasquez-Alcasid, Asia’s Romantic Balladeer Christian Bautista at Asia’s Pop Sweetheart Julie Anne San Jose, kasama ng iba pang Kapuso singers ang programa sa isang lively Christmas medley.

Pangungunahan naman ni Kapuso Comedy King Michael V., Manilyn Reynes at Eugene Domingo ang mga programa ng GMA KiliTV kasama ang cast ng Bubble Gang, Pepito Manaloto at Tsuperhero sa isang masayang production number.

Pasisiyahin naman ng mga Kapuso favorites na sina Dennis Trillo, Carla Abellana, Rhian Ramos, Solenn Heussaff at Heart Evangelista ang mga manonood sa kanilang masayang Christmas “aguinaldo” production number.

Ang mga lead stars naman ng GMA upcoming programs na My Love From The Star na sina Jennylyn Mercado kasama ang kanyang co-star at isa sa mga pinakabagong GMA discoveries na si Gil Cuerva; ang Meant To Be lead star na sina Barbie Forteza kasama ang kanyang mga leading men na sina Kapuso heartthrobs Ken Chan, Jak Roberto, Ivan Dorschner at Addy Raj; ang mga co-stars ni Julie Anne sa Pinulot Ka Lang Sa Lupa na sina Benjamin Alves, Martin del Rosario at LJ Reyes; at sina Alden Richards at Maine Mendoza mula sa Destined To Be Yours ay may ihahandang special performances para sa kanilang mga fans.

Huwag din palampasin sina Lovi Poe, Tom Rodriguez at Max Collins ng Someone To Watch Over Me; Megan Young, Andrea Torres at Jaclyn Jose ng Alyas Robin Hood; Gabby Concepcion, Ryza Cenon, Mike Tan at Sunshine Dizon ng Ika-6 Na Utos; Yasmien Kurdi, Katrina Halili at Gabby Eigenmann ng Sa Piling Ni Nanay; at ang cast ng Hahamakin Ang Lahat nina Snooky Serna at Thea Tolentino.

Sina Rocco Nacino, Ruru Madrid at Sef Cadayona at ang mga well-loved Kapuso loveteams na sina Miguel Tanfelix-Bianca Umali, Kristoffer Martin-Joyce Ching, Jake Vargas-Inah de Belen at Derrick Monasterio-Bea Binene ay may espesyal na dance performances.

Makikisaya rin ang apat na Sang’gre ng Encantadia na sina Glaiza de Castro, Gabbi Garcia, Sanya Lopez at Kylie Padilla para sa isang masayang performance. Ang People vs The Stars host naman na si Iya Villania ay makikisali rin sa saya kasama ang talented child stars ng GMA at iba pang cast ng Encantadia.

Abangan din ang isang touching performance mula sa GMA Primetime King & Queen na sina Dingdong Dantes at Marian Rivera.

Makisaya sa “The Magic Of Christmas” ngayong gabi after Kapuso Mo, Jessica Soho sa GMA’s SNBO.