Jennylyn: May bago akong ipakikita sa inyong lahat!
NAGSIMULA nang mag-taping si Jennylyn Mercado at ang baguhang hunk actor na si Gil Cuerva para sa Pinoy version ng Korean hit series na My Love From The Star.
Bibigyang-buhay ni Jennylyn ang karakter ni Steffi, the popular, beautiful and sought-after actress and endorser. Mayaman, successful ngunit over confident at feeling regalo ng Diyos sa sangkalupaan.
“Dito, they will see another side of me—the one na nakita nila sa films ko. Kasi kung dati sa pelikula ko siya ginagawa ngayon dadalin natin ‘yun dito sa GMA. And finally, dumating na si Matteo, and I saw na very willing siya na matuto and open siya sa lahat ng mga ideas at mabait. That’s why excited ako na mapanood na ito ng mga viewers natin,” chika ni Jennylyn.
Ang maswerte namang baguhang si Gil Cuerva ang gaganap na Matteo Do, the extremely intelligent yet cold and aloof extra-terrestrial being who lived as a human on Earth for 400 years ever since his spaceship crash-landed.
Matapos dumaan sa series of auditions, pumasa sa panlasa ng mga GMA executives ang gwapong modelo. Aniya, “Naninibago ako. This is all new to me but at the same time I’m very grateful and honoured na ako ang pinili at may tiwala po ang production, si Direk Joyce (Bernal), si Jennylyn sa akin.
“Sa totoo lang po there’s a lot of pressure on me na magdeliver. Kim Soo-hyun is very big in Korea so siyempre may comparisons po doon but I’m up to the challenge. I’m excited to do it and hopefully I will be able to deliver,” dagdag pa ng binata.
Makakasama rin sa My Love From The Star sina Gabby Eigenmann, Christian Bautista, Jackie Rice, with Glydel Mercado, Spanky Manikan, Renz Fernandez, Melissa Mendez at Nar Cabico.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.