Bato inaming nalito sa utos ni Duterte na ibalik sa puwesto si Supt. Marcos

SINABI ni Philippine National Police (PNP) Chief Director General Ronald dela Rosa na nalito siya nang atasan ni Pangulong Rodrigo Duterte na ibalik sa puwesto si Criminal Investigation and Detection Group (CIDG) Region 8 director Supt. Marvin Marcos, dalawang linggo bago mapatay si Albuera mayor Rolando Espinosa Sr.
“Hindi pangkaraniwan, your honor. To be frank, nagtaka ako but who am I to question the wisdom of the President? Which he explained later,” sabi ni Espinosa sa pagdinig ng Senado kaugnay ng pagkamatay ni Espinosa.
Sinibak sa puwesto si Marcos noong Oktubre 15 sa harap ng pagkakasangkot sa droga, bagamat ibinalik din ang opisyal sa puwesto sa kaparehong araw.

Idinagdag ni dela Rosa na sinunod niya ito dahil galing ang kautusan mula sa pangulo.
Si Marcos ang pinuno ng CIDG unit na nagsagawa ng raid sa Baybay, Leyte provincial jail noong Nobyembre 5 kung saan napatay si Espinosa.
Inamin ni Duterte na siya ang nag-utos kay dela Rosa na maibalik sa puwesto si Marcos.