Alice umaasang magkakaanak pa sa edad na 47

FOUR years na pa lang masaya ang lovelife ni Alice Dixon.

“Yes, he is a foreigner. From somewhere in Europe,” bahagi ng tsika nito nang makahuntahan namin sa presscon ng Happy Life, ang travel show cum public service na pinrodyus ni Gov. Chavit Singson for GMA News TV.

Kuwento ni Alice, dati pa raw silang magkakilala ng guy, even before ma-annul ang kanyang kasal, “I didn’t like him at first. May mga common friends kami. I didn’t even give my number to him but somehow he managed to get it at yun, nangulit na,” sey pa ng napakaganda pa ring aktres at dating beauty queen.

Dumating daw ang lalaki sa buhay niya some months after she got annulled at dahil galing din daw ito sa isang bad break-up, mas napadali ang friendship nila, “Hindi rin nagtagal. Siguro mga months, three or more lang,” sagot nito kung gaano siya katagal na niligawan ng nasabing foreigner.

At umabot na nga sila ng four years and planning to settle down na and have kids, “Yun talaga ang wino-workout namin. I’m already 47 at open naman sa modern science when it comes to that (pregnancy). Kung ibibigay ni Lord, siyempre pipiliin ko. But then again, open din kami sa adoption,” habol pa ng aktres.

One year na palang hindi active sa showbiz si Dikya (palayaw ni Alice) after her GMA 7 show na Marimar, “But I have an offer to do a soap this 2017. Inaayos pa at hindi ko pa puwedeng i-announce. Sa isang malaking network siyempre,” tsika pa niya sa amin.

Naikuwento rin ni Alice na noong 2015 pa pala namatay ang kanyang mahal na ina. Dito nga sa Pilipinas nila ito inilibing.

“Kumpara noong araw na very stage mother siya sa akin, na tipong siya lahat, matapang, mataray…tumanda siyang very opposite. Nahirapan siyang mag-recover sa second hip operation niya.

Nagkaroon pa siya ng Alzheimers, so naranasan ko talaga kung paanong makisama sa isang taong may ganu’ng sakit,” ang maluha-luhang sabi ni Alice.

Sa Happy Life ay siya ang “donor” nang isang napili nilang Orphanage sa Bacolod City. Bibigyan ng mga regalo at pasasayahin ni Alice ang mga kids sa isang institution sa Silay, Bacolod at ito ang magiging Christmas offering ng show.