2 primera kontrabida sanib-pwersa laban kay Dingdong
CHERIE GIL AT DINA BONNEVIE
ISA si Dina Bonnevie sa welcome addition sa top-rating GMA primetime series na Alyas Robin Hood na pinagbibidahan ni Dingdong Dantes. Pero siguradong mas bobongga pa ang bawat episode sa pagkukrus ng landas nila ng isa pang award-winning actress sa serye.
Ang tinutukoy namin ay walang iba kundi si Cherie Gil at para sa kanya, work is going to be more fun dahil magsisilbi itong reunion nila ni Ms. D na madalas niyang makatrabaho noon sa pelikula.
Sa Instagram page ng primera kontrabida, isang happy photo nila together ni Dina ang ni-like namin. May caption ito na: “Together again! For the first time on TV! @dinabonnevie! My long time friend ! #reunite!”
Kaya nga we can’t wait na sa mga eksena ng dalawa dahil for sure, magsasanib-pwersa ang dalawang kinatatakutang kontrabida sa TV para pahirapan nang bonggang-bongga si Pepe na ginagampanan nga ng Kapuso Primetime King na si Dingdong Dantes.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.