Erik Matti umaasang si Angel pa rin ang magbibida sa Darna

ANGEL LOCSIN

NAKAUSAP namin si direk Erik Matti sa presscon ng OTJ The Series na mapapanood sa video-on-demand ng HOOQ, kinumusta namin sa kanya kung tuloy na tuloy na ang bagong “Darna” movie.

Nagulat pa si direk sa tanong namin, “Naubo ako, ah! Darna, we’re working on it, pinapaganda namin, para magandang-maganda. We’re still working on pre-producing it, marami kasing kailangang gawin, eh,” sagot niya sa amin.

Sundot namin kung si Angel Locsin pa rin ang gaganap sa “Darna”, “I don’t know yet. They’re gonna make an announcement.”

Sabi namin, may nakita kaming litratong nagre-rehearsal si Angel para sa iba’t ibang uri ng stunts kaya sigurado kaming siya pa rin si Darna, “Oo nga, grabe, pinuputakti ang Instagram ko. I really hope it’s still Angel that’s gonna end up as Darna. But we still have to make the announcement and we still have to hear from ABS-CBN,” ani direk Erik.

Kailan ba ang target showing ng Darna? “Sana soon, there’s a lot of components kasi for the Darna franchise, it’s not like we’re doing the movie and we have the playdate by March, hindi ganu’n. Ang dami niyang moving parts, there’s the costume, other stuff to be put together, there’s also training, there’s also looking at technology para mapagaan ang trabaho namin while shooting it. Marami pang kailangan,” pahayag ng direktor.

Nabanggit din ni direk Erik na isinumite niya ang “Darna” sa Metro Manila Film Festival hindi lang malinaw sa amin kung para ito ngayong taon, “Yes, we’ve submitted it sa MMFF, we don’t know if they gonna like it. But given the new filmfest and the new rules, we’re hoping that we have a good chance,” pagtatapat ng direktor.