Maine kinilig nang makausap at makita nang personal si Piolo
Photo source: Instagram account of bubsie_24
KITANG-KITA ang pagkakilig ni Maine Mendoza nang magkita sila ni Piolo Pascual sa unang pagkakataon sa isang event ng kilalang bangko na pareho nilang ine-endorse.
Kumalat ang photo ng dalawa sa social media kahapon na kuha ng isang netizen na present din sa event. Isa pang litrato ang nakita namin kung saan parehong nakatawa sina Piolo at Maine, ito’y ipinost ni Bubsie_24 sa kanyang Instagram account.
Nabatid na ginanap ang nasabing event sa Alonte Sports Arena sa Binan, Laguna last Sa-turday. Kung hindi kami nagkakamali ito ang unang pagkakataon na nagkita up close and personal sina Maine na identified sa GMA at si Piolo na isa namang Kapamilya.
May isa pang larawan na kasama nina Maine at Piolo ang common friend nilang si Direk Joyce Bernal. Ilang beses nang naidirek ni Bb. Joyce si PJ samantalang naidirek naman nito si Yaya Dub sa “God Gave Me You” Lenten special ng Eat Bulaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.