Paistaran na naman sa Superstar Duets ng GMA
RERESBAK ang mga contestants sa Bottom Group ngayong Sabado para mailigtas ang sarili nila sa third elimination round ng nakakalokang reality talent show ng GMA 7, ang Superstar Duets.
Siguradong mas lalong titindi ang kompetisyon tonight dahil hindi lang ang kani-kanilang mga kapartner na superstars ang makakasama nila sa bawat performance, kundi pati na rin ang mga dala nilang Celebrity Resbak.
Sina Jerald Napoles at Punk Sinatra, may cute na cute na special guest sa kanilang kakaibang rendition ng “New York, New York!”
Ang tandem naman nina Osang at Amy Beerhouse bibigyan ng Pinoy twist with a little “jurassic” flavour ang kanilang awitin.
Ang vocal powerhouse na sina Rita Daniela at Luther Vandolph, mailigtas kaya sa elimination ng singing powers ng pop superstar na resbak nila?
At tutukan ang dinalang resbak nina Divine at Michael Jackstone na naging dahilan kung bakit nagkagulo ang buong show.
Pati sina judge Christian Bautista at Julie Anne San Jose, may pasabog na song number para sa lahat. Sa bandang huli, isa sa apat na performers ang siguradong magpapaalam.
Kilalanin kung sino ang susunod na mae-eliminate sa nag-iisang biritawanang inyong inaabangan tuwing Sabado ng gabi, ang Superstar Duets hosted by Jennylyn Mercado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.