Duterte nakatakdang dumalaw bukas sa puntod ng mga magulang
NAKATAKDANG dumalaw bukas si Pangulong Rodrigo Duterte sa puntod ng kanyang mga magulang sa Davao City.
Kinumpirma ni Presidential Management Staff (PMS) chief Christopher “Bong” Go na bukas bibisitahin ni Duterte ang mga labi ng kanyang mga magulang na sina Vicente Duterte, isang abogado at dating governor ng Davao noong 1950s, at Soledad Roa, isang guro at civic leader mula sa Agusan del Norte.
Samantala, sinabi ni Presidential Spokesperson Ernesto Abella na hindi na nagsagawa ng inspeksyon si Duterte para sa Undas dahil nasisiyahan naman siya sa isinagawang paghahanda ng Philippine National Police (PNP) at iba pang ahensiya ng gobyerno.
“According to the OP (Office of the President), yes he is satisfied,” sabi ni Abella.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.