Scarlet bentang-benta sa social media, humataw sa mga Holloween party

KUNG may batang pwedeng tawaging social media superstar yan ay walang iba kundi ang anak nina Hayden Kho at Vicky Belo na si Scarlet Snow.

Imagine, sa loob lang ng anim na buwan ay umabot na sa mahigit 500,000 ang followers ng bagets sa official Instagram account nito na ginawa ng kanyang mga magulang.

Sa IG account ni Baby Scarlet makikita ang mga litrato at video ng mga ginagawa niya everyday, ang latest nga ay ang mga pinuntahan niyang lugar para sa Trick Or Treat nitong nakaraang Holloween.

Kamakailan, nag-post din si Scarlet ng mensahe para sa libu-libo niyang followers, “Thank you for being my friends and for always praying for me and my family. 500,000 kisses to each one of you.”

Sa mga photo naman na ipinost sa IG ni Scarlet na kuha sa mga Holloween party na pinuntahan nito nakikita na enjoy ba enjoy ang bata na makasalamuha ang iba pang bata na naka-costume rin.

Cute na cute din ang baby nina Hayden at Vicki sa costume nitong Nemo nang isama siya ng kanyang mommy sa trick or treat event sa kanilang opisina.

Isang litrato ni Scarlet ang may caption na: “I’m so happy I met so many new friends today. I went to sooooo many halloween parties I’m running out of costumes. (Mommy, help!!!).”