INARARO ng isang van ng pulis ang mga nagpoprotesta sa labas ng US Embassy sa Maynila.
Sinabi ng lider ng mga nagra-rali na si Renato Reyes na tatlo sa mga aktibistang estudyante ang nasagasaan ng van at dinala sa ospital.
Maraming ralyista ang inaresto ng mga pulis, matapos maghagis ng pulang pintura sa government seal ng US sa entrance ng embassy, dahilan para sumiklab ang komprontasyon.
Daan-daang mga aktibista ang lumahok sa protesta para isulong ang pagpapaalis ng mga tropa ng Amerikano kasunod naman ng naunang pahayag ni Pangulong Rodrigo Duterte na nagpapaalis sa mga sundalong Kano.
Kasalukuyang nasa China si Duterte para sa isang state visit.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.