John Lloyd, Angelica natagpuan uli ang ‘forever’ sa kandungan ng isa’t isa
KUNG ang pagbabasihan ay ang kumakalat na mga litrato nila ngayon sa social media, mukhang totoo ngang nagkabalikan na sina Angelica Panganiban at John Lloyd Cruz.
Nag-viral ang photo ng dalawang Kapamilya stars nang i-post ito sa Facebook page ng isang restaurant sa Makati nitong Lunes. Makikita sa picture sina Lloydie at Angelica na magkasama habang nakapalibot sa kanila ang staff and crew ng resto.
Karamihan sa komento ng netizens ay positibo at naniniwala sila na nagkabalikan na ang nagkahiwalay na magdyowa. May nagsabi pa na sana’y nagtagpuan na nga nila ang “forever” sa piling ng isa’t isa.
Nabalita rin kamakailan na madalas na nagkikita ang dalawa sa ilang secluded place sa Makati, kung minsan daw ay silang dalawa lang pero may pagkakataon na kasama rin nila ang ilang kaibigan.
Matatandaang naghiwalay sina JLC at Angelica noong Marso at ilang linggo pa lang ang lumilipas ay muling nagkrus ang kanilang landas sa isang art exhibit sa Hong Kong.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.