Kris nagyabang, maraming lalaking dine-date

AND the Perfect Timing To Release An Omnibus Pralala Para Hindi Masapawan Sa Publisidad Award goes to…Kris Aquino!

Give it to Kris.

Sa panahong ang laman ng mga balita ay tungkol sa maigting na drug war ng Duterte administrasyon kaalinsabay ng nagaganap na extra-judicial killings, na kabuntot ng mga nagsasalimbayang komento mula sa mga netizen na kabahagi ang ilang mga kabaro ni Kris sa showbiz tulad nina Agot Isidro at Cherry Pie Picache, the former presidential sister—whose umbilical cord is attached to the tsismis turbine—must find a way to stay on top of the game.

Hindi sanay si Kris na hindi siya pinag-uusapan. Gagawa at gagawa siya ng paraan to keep the public interest in her, at ma-deflect ang mga national issue patungo sa kanya. Scene stealer.

Headline grabber. Name it, si Kris ‘yon.

‘Yun nga lang, tila ang thrust ng kanyang self-PROing ay kinakikitaan ng mga butas. Loopholes of inconsistencies na kung kilala natin si Kris at nasubaybayan natin ang sequence of recent events sa buhay niya ay mapapailing na lang tayo.

Not in this particular order. On her transfer to APT Entertainment, ang sabi ni Kris ay bawal na raw muna siyang magsalita tungkol du’n. So, who else do we expect to make any disclosure for her, hindi ba’t siya lang naman? At kelan pa—since the creation of Adam and Eve—nagkaroon ng bawal kay Kris?

For her, anything “bawal,” taboo, forbidden, unauthorized at kung anik-anik pang synonyms nito’y socially acceptable as far as she’s concerned.

Kung sa larangan nga ng pag-ibig ay walang sinusunod na batas si Kris, ang paganahin pa kaya ang kanyang matabil na bibig on issues which concern her after all?

On having been fearful five years ago bunga ng paghihiwalay nila ni James Yap. Aniya, she thought it was the end of the road blah-blah-blah. First time niyang umibig? First time niyang nahiwalay sa minahal niya? Disisais anyos ba ang nagsalitang ‘yon na may end of the road pang nalalaman?

Ilang taon na ba si Kris ngayon, at ilang road o kalsada na ba ang nabagtas niya? Hindi nga lang major roads, may mga iskinita pa siyang dinaanan sa lovelife niya, ‘no!

On James’ failure to tell their son Bimby that the latter was going to have a baby brother. Teka, didn’t Kris restrain James from seeing Bimby a couple of times, gayong bahagi ng kanilang court settlement ay ang pagga-grant ng visitation rights kay James?

For all Kris knew, had she only allowed Bimby to see and spend time with his dad ay tiyak na nakahanda na si James na ipagtapat sa bata ang tungkol sa magiging kapatid nito kay Michela Cazzola. Since it was a foiled bonding, nalaman lang tuloy ni Bimby ang tungkol du’n sa Facebook.

What sounds as an intermission number though between her litanies ay ang rebelasyong Kris is dating these days. Hindi lang daw isa, kundi marami. Well and good for her, but maybe bad for these eligible bachelors (nga ba?).

Good dahil her present status being single and ready to mingle only proves that it’s not the end of the road for her.

Maaaring bad for the guys dahil kung pamilyar tayo sa kasaysayan ni Kris pagdating sa pakikipagrelasyon, she strips naked the men in her life sa maraming aspeto ng mga pinakatagu-tago nila sa buhay not fit for public consumption.