Claudine, Solenn negative rin sa paggamit ng ilegal na droga

PARA pabulaanan ang mga kumakalat na tsismis tungkol sa pagkakadawit ng pangalan ni Claudine Barretto sa isyu ng ilegal na droga, isang kaibigan ng aktres ang nag-post ng mensahe sa kanyang Instagram account kamakailan.

In-upload ng colleague nating si Francis Simeon na kilalang malapit na kaibigan ni Claudine, ang resulta ng isinagawang drug test sa aktres sa IG. Negative ang lahat ng resulta ng tests kay Claudine sa 10 nakalistang illegal substances.

“Para sa mga humusga kay @claubarretto” ang inilagay na caption ni Francis sa nasabing IG photo.
Ilang bashers sa social media ang naghamon kay Claudine na mag-voluntary drug test na rin para patunayan sa buong mundo na hindi siya gumagamit ng droga tulad ng inaakusa sa kanya ng kanyang detractors.

Bukod kay Claudine Barretto at iba pang celebrities na nag-negative sa drug test, ibinandera rin ng kampo ni Solenn Heussaff na nag-negative rin ang Kapuso TV host-actress sa paggamit ng illegal drugs.

“One of GMA Network’s stars, Solenn Heussaff has tested negative for illegal drugs. Leo Dominguez, the talent manager of the Filipina-French actress/model, has decided to publicize her results in support of the Government’s stand and campaign against illegal use of prohibited drugs. This is also to inform the public of Solenn’s beliefs of clean and healthy living.

“Solenn practices what she believes in, which is to live a healthy and productive lifestyle, this includes her position against the use of prohibited and illegal drugs,” sabi pa ng GMA.