Mga Laro Bukas (The Arena, San Juan City)
10 a.m. Jose Rizal University vs Letran (jrs)
12 nn. San Beda vs Mapua (jrs)
2 p.m. Jose Rizal University vs Letran (srs)
4 p.m. San Beda vs Mapua (srs)
Team Standings: San Beda (6-0); Mapua (5-1); Perpetual Help (4-2); Arellano U (4-2); Letran (4-2); LPU (3-3); JRU (2-3); EAC (1-5); San Sebastian (1-5); St. Benilde (0-6)
TINAMBAKAN ng Perpetual Help ang St. Benilde, 70-55, habang tinisod naman ng Arellano University ang Emilio Aguinaldo College, 88-82, kahapon sa 92nd NCAA basketball tournament at The Arena in San Juan City.
Tabla na ngayon sa ikatlong puwesto ang Perpetual Help Altas, Arellano U Chiefs at Letran Knights na pawang may 4-2 baraha. Ang Nigerian na si Bright Akhuetie ay kumulekta ng 21 puntos, siyam na rebounds at apat na shot blocks para sa Altas.
Nagdagdag naman ng 10 puntos, walong rebounds at dalawang blocks ang isa pang Nigerian player ng Perpetual na si Prince Eze. “We were a little incosistent but good thing we have strong imports,” sabi ni Perpetual Help coach Gimwell Gican.
Sumandal naman ang Chiefs kay Lervin Flores na umiskor ng career-high 20 puntos, humugot ng 15 rebounds at gumawa ng dalawang blocks.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.