Sobra pala ang pagka-proud ni Maja Salvador sa kanyang boyfriend na si Gerald Anderson.
Sa lahat kuno ng kagamitan niya ay nandu’n ang picture ni Gerald, lalo na sa kanyang phone, puro retrato ng mestisong aktor ang makikita du’n.
Totoo kaya ang kuwento ng mga becki na kahit nagpapa-make-up lang si Maja ay kailangan pa niyang idispley ang picture frame ni Gerald sa tabi niya?
Si Maja raw ang talagang nagpapakita ng sobra-sobrang pagmamahal kay Gerald, mukhang tinamaan siya nang todo ng pana ni Kupido sa guwapong young actor, wala siyang bukambibig kundi ang kanyang boyfriend.
Komento ng isang kausap namin, “Siyempre, gagawin niya talaga ang ganu’n para pasakitan niya ang dati niyang BFF na si Kim Chiu.
May gusto siyang patunayan kaya ginagawa niya ang ganyan.
“Nag-iinisan kasi sila, kaya ayun ang Maja, talagang iniinis niya ang dating kaibigan niya. Pero hindi kaya niya naiisip na hindi naman siya nakakasigurado kay Gerald?
Paano kapag nag-break na sila?” bitin pang opinyon ng aming kausap.
Hindi ngayon lang nakipagrelasyon si Maja, meron ngang mga kuwento sa kanilang network na para lang siyang nagbibihis kung magpalit ng karelasyon, pero siguro nga ay ngayon lang siya tinamaan nang husto kay Gerald Anderson.
“Marespeto kasi si Gerald, mabait ‘yung bata, saka hindi siya ‘yung tipong madaldal.
Wala kang maririnig na kahit ano sa kanya.
Nakita n’yo naman nu’ng inuupakan siya ng kampo ni Sarah Geronimo, may sinabi ba siya?
“Sana nga, magtagal sila ni Maja,” komento naman ng isang malapit sa binatang aktor na nakakuwentuhan namin nu’ng minsan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.