Nadine game na game sa pagpapaseksi pero bawal mag-2 piece bikini: May magagalit po!

GAME si Nadine Lustre na magpa-sexy sa mga pictorial partikular sa mga fashion magazine pero may limitations pa rin daw siyang pinaiiral.

Ayon sa Kapamilya actress, sobrang flattered siya nang mapasama siya sa listahan ng mga female celebrities na nakapasok sa FHM Sexiest Woman ngayong 2016. Kahit daw hindi pa siya nagiging cover ng nasabing men’s magazine ay marami pa rin ang bumoto sa kanya.

Sa katunayan, nag-number one pa siya noong maglabas ng resulta ang FHM sa kanilang on line poll last month ngunit nitong huling bilangan ay naungusan na siya ni Jessy Mendiola. Nang matanong si Nadine kung handa na ba siyang tumodo sa pagpapaseksi at maging cover ng men’s magazine, ang tugon ng dalaga ayaw muna niyang magsalita nang tapos.

Sa panayam ng Tonight With Boy Abunda last Monday handa naman daw si Nadine na magpaka-daring sa pictorial at sa mga susunod niyang proyekto pero siyempre kailangan daw maging careful pa rin siya sa kanyang mga decisions dahil karamihan sa mga fans nila ni James Reid ay mga bagets.

“According po sa road manager ko, shorts and then cropped top na medyo mahaba,” chika ng aktres. Ibig sabihin bawal pa siyang magsuot ng swimwear, “Yes po, may magagalit po kasi,” natatawang sabi ni Nadine na ang tinutukoy nga ay ang dyowa niyang si James.

Muling nilinaw ni Nadine na hindi nagalit o napikon si James nang mapasama siya sa listahan ng Sexiest Women ng FHM. “Hindi siya nagalit! I think joke lang yung mga ipinost niya about it. He was really happy. Sabi niya, ‘Wow! That’s cool. It’s awesome,'” chika pa ng dalaga.

Last weekend ay ni-launch na ang libro ng JaDine titled “Team Real: Your All Access Pass to James Reid and Nadine Lustre’s World,” na talaga namang dinumog ng kanilang supporters.  Naging issue pa nga ang seguridad ng dalawa matapos makatanggap ng warning ang Viva Artists Agency at ang security management ng Market! Market! kung saan ginanap ang book launching.

Talagang nagdagdag ng security personnel at marshalls ang Viva at ang nasabing mall para masiguro ang kaligtasan ng magka-loveteam at ng mga taong sumugod sa kanilang book launching.