Relasyon ni Elmo kay Janine wa epek sa loveteam nila ni Janella

GINAWA nina Elmo Magalona at Janella Salvador ang lahat ng kanilang makakaya para mapaganda ang kanilang bagong teleserye sa Primetime Bida na Born For You na magsisimula na sa June 20 kapalit ng The Story Of Us.

Ayon kay Elmo, best foot forward lagi sila ni Janella sa bawat eksena nila sa serye na kinunan pa sa Japan. At talagang pinag-uusapan nilang mabuti kung paano ang magiging atake nila sa bawat scene lalo na kapag kailangan nilang pakiligin ang viewers.

Sa nakaraang presscon ng Born For You natanong si Elmo kung may limitations na ba siyang pinaiiral ngayon para na rin sa proteksiyon ng relasyon nila ni Janine Gutierrez?

“For me, it’s now…hindi dahil du’n kundi kung ano siyempre ang makakabuti. Kasi siyempre, first project pa lang namin ni Janella. So, I guess, hindi naman maipapakita ang lahat, just it talaga,” tugon ng binata.

Feeling ba niya may nagiging epekto sa loveteam nila ni Janella ang relasyon nila ni Janine? “I don’t think it’s a big factor coming in to our soap. Like what I’ve said, it’s the story that we bring out, and the story, you’re gonna love it.”

At dahil mataas ang rating ng papalitan nilang The Story of Us, siguradong pagkukumparahin ng viewers ang Born For You at ang serye nina Kim Chiu at Xian Lim.
“There’s no really comparison, lalo na’t KimXi is really one of the most established love teams of this network. We hope that our soap can live up to the time slot,” sagot ni Elmo.

Super excited na si Elmo sa pagsisimula ng Born For You at muli siyang nagpasalamat sa Dos sa unang soap opera niya, “It’s more of the trust that Dreamscape gave us. While reading the script, I start falling in love with Sam (Janella). With Kevin (karakter niya sa serye) naman, parang di ko pa siya ma-gets.

“But later on as the story unfolds, I think it’s really nice. From the trailers they sent out, si Sam and Kevin are singing. So music is really a big part of this, we have many other songs,” hirit pa ng Kapamilya actor.