Poe at Roxas umangal sa pagsisinungaling ng Duterte camp

Umalma ang kampo ng mga presidential candidates na sina Sen. Grace Poe at Mar Roxas sa pagpapakalat umano ng maling impormasyon ng kampo ng kalaban nilang si Davao City Mayor Rodrigo Duterte.
Ayon kay Cebu Rep. Ace Durano, spokesman ng Partido Galing at Puso, nakakabahala ang mga ipinakakalat na maling impormasyon pabor kay Duterte.
“We are, therefore, very concerned with what appears to be a misinformation drive being waged by the supporters of other candidates, particularly Davao Mayor Rodrigo Duterte. From fake endorsements to fake meetings to fake surveys, they are flooding social media with baseless and exaggerated claims that have all been denied by the supposed sources,” ani Durano.
Mayroon umanong survey ang Pulse Asia na isinagawa noong Marso 21-25, kung saan nangunguna na si Duterte.
“This has been denied by no less than Pulse Asia, which said that it did not conduct said survey,” ani Durano.
Ayon sa Pulse Asia hindi sila nagsagawa ng survey noong Mahal na Araw.
Nauna ng sinabi ng kampo ni Duterte na inimbitahan ang alkalde ng US Embassy at inendorso na umano siya ni may-ari ng Jollibee na si Tony Tan Cak Tiong at ng Santo Papa.
“These were all lies,” dagdag pa ni Durano. “The Duterte camp seems to have no qualms about playing fast and loose with facts and figures in the hope that they will fool people in the frenzy of the campaign.”
Sinabi naman ni Akbayan Rep. Barry Gutierrez, spokesman ng Daang Matuwid na nagsusulong sa kandidatura ni Roxas, na papaano paniniwalaan ng publiko na matutupad nito ang kanyang mga pangako kung mismong mga tao niya ay hindi niya makontrol.
“It is clear that the Mayor cannot discipline his own supporters. How can we believe he can discipline others when he cannot do it for his own people,” ani Gutierrez. “This is the brand of Duterte discipline.”
Sinabi ni Gutierrez na kinukuyog ng mga suporter ni Duterte sa social media ang mga tao na kontra sa kanilang paniniwala.